Blaut bollakaka á mínútu

Uppskriftin var fengin af:

www.gotteri.is

Þessi uppskrift gefur tvo bolla af dásamlegri blautri súkkulaðiköku

Innihald:

  • 60 gr smjör
  • 80 gr suðusúkkulaði
  • 40 gr sykur
  • 1 egg
  • 40 ml mjólk
  • 40 gr hveiti

Aðferð:

  1. Bræðið saman smjör og suðusúkkulaði í litlum skaftpotti eða í örbylgjuofni.
  2. Hrærið sykurinn og eggið saman við með písk eða gaffli þar til vel blandað.
  3. Því næst fer mjólkin saman við og að lokum hveitið, hrærið vel þar til kekkjalaust.
  4. Spreyið tvo bolla með matarolíuspreyi, skiptið deiginu niður og hitið einn bolla í einu í örbylgjuofninum á hæstu stillingu í 1 mínútu og 10 sekúndur.

Ég prófaði nokkrar tilraunir með mismunandi tíma og kökur sem voru 1 mín og 20-30 sek voru líka dásamlegar, mér fannst bara gott að hafa þessa í blautari kantinum. Örbylgjuofnar eru þó misjafnir í styrk svo prófið endilega einn bolla og aukið eða minnkið tímann með seinni bollann ef þið viljið meira eða minna bakaða köku. Kælið kökuna í um 5 mínútur og berið fram með ískúlu og heitri karamellusósu (sjá uppskrift hér að neðan), segir Berglind Hreiðarsdóttir, eigandi www.gotteri.is

Heit karamellusósa

Innihald:

  • 400 ml rjómi
  • 2 msk sykur
  • Hindber til skrauts
  • Lakrits FIKA með kaffe (um ½ dós)

 

Aðferð:

  1. Þeytið rjómann með sykrinum þar til hann er stífþeyttur.
  2. Setjið í sprautupoka og sprautið ríkulega af rjóma á hverja köku.
  3. Skreytið með hindberjum og lakrits FIKA með kaffe og „drisslið“ síðan lakkríssósu yfir allt (sjá uppskrift hér að neðan).

Lakkríssósa

Innihald:

  • 2 karamellur með sjávarsalti frá Konnerup & Co
  • 2 tsk rjómi

 

Aðferð:

  1. Hitið karamellur og rjóma saman í potti við meðalháan hita þar til þykk sósa hefur myndast, bætið örlítið meira af rjóma saman við ef þið viljið þynnri sósu.
NÝJUSTU UPPSKRIFTIRNAR